xəbərlər

Jurnalist edam cazasına məhkum edilib

2007-07-26T06:32:00.001-07:00

İranın Mərivan şəhərindən olan müstəqil jurnalist Ədnan Həsənpura edam cəzası çıxarılıb
«Mediaforum» saytının məlumatına görə, Ə.Həsənpurun bacısı Leyla Həsənpur Praqa şəhərində fars dilində yayılan «Radio Fərda»ya deyib ki, Sənəndəc zindanının rəsmiləri belə bir hökmün çıxarıldığını qardaşına iyulun 16-da bildiriblər.
Fəaliyyətinə qadağa qoyulmuş «Asu» həftəlik qəzetinin əməkdaşı olan Ə.Həsənpur beş ay əvvəl yazılarına görə Mərivan şəhərində tutularaq Sənəndəc zindanına aparılıb.
L.Həsənpur qardaşının ölkənin təhlükəsizliyinə qarşı çıxmaqda ittiham olunduğunu bildirərək vurğulayıb ki, «Ettelaat» əməkdaşları Ədnanın tutulması haqda məlumatın yayılmaması barədə dəfələrlə ona və anasına xəbərdarlıq ediblər. Deyiblər ki, əks təqdirdə «onun işini çətinləşdirəcəksiniz».
L.Həsənpur deyib: «Təəssüf ki, bizim sükutumuz qardaşımın işini yüngülləşdirmədi. İyulun 16-da zindan məsulları qardaşımın vəkilləri olmadan artıq edama məhkum edildiyini Ədnana xəbər veriblər. Ədnan evi dolandıran yeganə şəxsdir. Anamız ürək xəstəliyinə düçar olduğundan Ədnanın edama məhkum edildiyini ona deyə bilməmişik».
Qardaşına çıxarılan hökmü ədalətsiz sayan L.Həsənpur Ədnanın jurnalistika ilə məşğul olmaqdan başqa heç bir cinayət törətmədiyini vurğulayıb.
Bacısı beynəlxalq hüquq müdafiə təşkilatlarına üz tutaraq qardaşının edam edilməsinin qarşısının alınması üçün İran hökumətinə təzyiq göstərilməsini istəyib.
İran mətbuatının yazdığına görə, hökumətə qarşı siyasi qruplarla əməkdaşlıqda günahlandırılaraq tutulmuş hüquq müdafiəçisi Hiva Butimar da İnqilab Məhkəməsi tərəfindən edama məhkum edilib. H.Butimar tutulduqdan sonra bir müddət Sənəndəcdə saxlanıb, sonra isə Mərivan həbsxanasına aparılıb. Butimarın hazırkı vəziyyəti barədə hər hansı məlumat yoxdur.

Qadın hüquq müdafiəçisinə inanılmaz cəza

2007-07-26T06:30:00.001-07:00

Ona 2 il şərti həbs, 6 ay qəti həbs və 10 şallaq cəzası kəsildi

İSNA agentliyindən aldığımız məlumata görə, məşhur qadın hüquq müdafiəçisi Məryəm Ziyanın vəkil müdafiəçisi Yüsuf Molayi bildirib ki, inqılab məhkəməsi M.Ziyanı 2 il şərti həbs, 6 ay qəti həbs və 10 şallağa məhkum edib. Xatırladaq ki, M.Ziya 2006-ci il iyunun 12-də Tehranın “Hafte-tir” xiyabanında keçirilən qadın aksiyasının fəallarındandır. Hüquq müdafiəçisi iyulun 24-də Tehran inqilab məhkəməsinin 13-cü şöbəsində qeyri-qanuni aksiyada iştirak etmək və ictimai təhlükəli hərəkətlər törətmək ittihamı ilə məhkum olunub.

Güneyli fəallar qatillər korpusunda saxlanılır

2007-07-26T06:29:00.001-07:00

Güneyli fəallar qatillər korpusunda saxlanılır

Siyasi Məhbuslar Komitəsindən aldığımız məlumata əsasən, Güney hərəkatının həbsdə olan fəallarına təzyiqlər artıb. Milli hərəkatın tanınmış liderlərindən birisi olan Abbas Lisani son vaxtlar ağır şəraitdə - qatillər və narkomanlar korpusunda saxlanılır. Həbsxana işçiləri onunla çox yaramazlıqla davranır. Bundan əlavə, Səid Mətinpur millətçilik ittihamı ilə 2 aydan artıqdır ki, naməlum bir yerdə saxlanılır. Rəsmi orqanlar onun durumu haqda məlumat verməkdən imtina ediblər. S.Mətinpurun qadınının verdiyi xəbərə görə, həyat yoldaşının harada saxlanılması, ümumi vəziyyəti haqda heç bir xəbər yoxdur. Hətta S.Mətinpura vəkil tutmağa icazə də verilməyib.

Keçən 3 gündə 16 nəfər dara çəkilib

2007-07-26T06:21:00.000-07:00

Mütərəqqi Qadınlar Təşkilatı “Bizim Yol” qəzetinə bu barədə məktub göndərib

İran hakimiyyəti ölkə vətəndaşlarına qarşı təzyiqini artırıb. Aldığımız məlumata görə, keçən 3 gündə hakimiyyət 16 nəfəri xuliqanlıq ittihami ilə dara çəkib. Onların bəzisinin məhkəmə prosesindən heç bir məlumat yoxdur, hətta bəzilərinə vəkil tutmağa icazə də verilməyib. Bundan əlavə, onların bir qismi hamının gözü qabağında cəzalandırılıb. Edam olunanların siyahısına iki siyasi ittihamla tutulmuş şəxs - Fazil Rəməzani və Hacət Murad Məhəmmədi də daxil olunub. Onlar milli təhlükəsizliyi pozmaq ittihami ilə 8 il bundan əvvəl «Bəxtiyari Vilayəti» ilə “Sipah Pasdaran” adlı könüllü hərbi qüvvələr arasında baş verən münaqişələrdə həbs olunmuşdular. Onlar edamdan qabaq Kərəc şəhərinin “Qohərdəşt” həbsxanasında saxlanılıblar. Insan haqları müdafiəçiləri siyasi məhbusların xuliqanlıq ittihamı ilə dara çəkilməsinə etiraz edib.
Mütərəqqi Qadınlar Təşkilatı «Bizim Yol» qəzetinə yazdığı məktubda üç nəfərin edamının sənədli filminin linkini göndərib və Azərbaycanda fəaliyyət göstərən insan hüquq müdafiəçilərindən bu qeyri-insani cəzaların dayandırılması barədə reaksiya göstərməsini xahiş edib.
Edam haqda sənədli filmlərin linkləri bunlardır:

=

ABŞ-ın təyyarə daşıyıcı gəmilərinə qarşı İranın intiharçı sualtı gəmiləri

2007-07-13T07:24:00.001-07:00

ABŞ-ın təyyarə daşıyıcı gəmilərinə qarşı İranın intiharçı sualtı gəmiləri

Iyulun 12-də Moskvada “Novosti” agentliyinin verdiyi informasiyalara görə, İran birnəfərlik sualtı gəmilərlə Amerikanın təyyarə daşıyıcı gəmilərini qarşılamağa hazırlaşır. İran hakimiyyəti İkinci Dünya müharibəsində Yaponiya təcrübəsindən istifadə edərək, intiharçı sualtı gəmilərlə irəliləyir. Xatırladaq ki, Yaponya eyni metodla intiharçı birnəfərlik təyyarələrlə ABŞ-la müharibə edirdi.
İtaliyanın “Corriere della Sera” jurnalında çap olunan məqalədə sualtı gəmilərin Şimali Koreyada istehsal olunduğu və İrana satıldığı yazılır. Bu gəmilərə partlayıcı maddələr yerləşdirilir və onları kamikadze idarə edir. Bu balaca sualti qayıqların hər növ gəmini partladıb qərq etmək imkanı var. “Corriere della Sera” agentliyi mart ayında çap etdiyi “Cihad Romeoları intiharçı gəlinləri tora salır” adlı məqaladə İranı Avropada intiharçı qadınlar yetirməkdə və onlardan terrorçuluq və təxribatda istifadə etməkdə suçlandırmışdı.

İrlandiya: “Vəhşiyyətə son qoyun”

2007-07-13T07:21:00.000-07:00

İrlandiya: “Vəhşiyyətə son qoyun”

Fransa agentliklərindən birinin verdiyi xəbərə görə, dünən İrlandiyanın xarici işlər naziri İranın səfirini çağıraraq Qəzvində 2 həftə bundan əvvəl Kiyanı adlı kişiyə daşqalaq cəzasının tətbiq olunmasından narahatlığını bildirib və bunu vəhşilik adlandırıb. İrlandiya XİN başçısı bu cəza növünün hələ də tətbiq olunmasını pisləyib: ”Bu xəbəri eşidəndə dəhşətə gəldim. İran rəsmiləri söz vermişdi ki, bu qeyri-insani cəza növü ləğv ediləcək». Avropa Birliyində növbəti dəfə rəhbərlik edən Portuqaliya rəsmiləri də bəyanat verərək İranın bu cinayətini pisləyib, daşqalağın hələ də İranda icra olunmasını insan hüquqlarının aşkarcasına pozulması kimi qiymətləndirib. Xatırladaq ki, hazırda ən azı 8 qadın və 2 kişi daşqalağa məhkum olunaraq cəzalarının icra olunmasını gözləyir.

Qadın ovu davam edir

2007-07-13T07:20:00.001-07:00

“Standart Hicab” planı ilə əlaqədar Qəzvin şəhərində daha 23 qadın tutulub. Indiyədək bu planla bağlı tutulanların sayı 150 min nəfəri keçib.

17 yaşlı yeniyetməyə edam cəzası

2007-07-13T07:18:00.000-07:00

Sənəndəc şəhər məhkəməsinin 27-ci şöbəsində 17 yaşlı Müslih Zəmani adlı yeniyetmə 4 il həbsxanada saxlanılandan sonra Cinayət Məcəlləsinin 105-ci maddəsinə əsasən edama məhkum olundu. Apellyasiya məhkəməsinin hakimi Məhəmməd Rza Burucerdi verilən hökmü təsdiqləyib. M.Zəmani öz qız yoldaşı ilə cinsi əlaqədə tutulduğu zaman cəmisi 13 yaşı varmış.

99 şallaq və 15 il həbs

2007-07-13T07:15:00.001-07:00

99 şallaq və 15 il həbs

Güneyin Maku şəhərində Şəban Abbaszadə adlı şəxs xuliqanlıq ittihamı ilə 15 il həbs cəzası, Səravan şəhərinə sürgün və 99 şallağa məhkum olunub. İran rəsmi telekanallarının verdiyi xəbərə görə, 99 şallaq cəzası dünən Maku şəhərinin mərkəzi xiyabanında hamının gözü qabağında icra olunub. Xatırladaq ki, keçən həftə 30 nəfər eyni ittihamla edama məhkum edilib və 3 nəfərin edamı isə artıq icra olunub.

Milli fəal 4 aydır qanunsuz həbsdə saxlanılır

2007-07-13T07:10:00.000-07:00

Milli fəal 4 aydır qanunsuz həbsdə saxlanılır

Təbrizli milli fəal Çingiz Bəxtavər 4 aydır, məhkəməsiz və qeyri-qanuni şəkildə “Evin” həbsxanasının 209-cu korpusunda saxlanılır. Onun ailəsi müxtəlif təşkilatlara etiraz məktubu yazsa da, hələlik onun azad olunması üçün heç bir ciddi tədbir həyata keçirilməyib. Xatırladaq ki, Ç.Bəxtavər mayın 20-də Güney aksiyalarından 2 gün qabaq “Ettelaat” tərəfindən tutulub və hazırda qeyri-qanuni olaraq həbsdə saxlanılır.

2007-07-09T22:50:00.000-07:00

ABŞ-İran müharibəsi başlayır

Dünən “ Los-Anceles Tayms” agentliyində dərc olunan məqalədə İran-ABŞ müharibəsinin tezliklə başlayacağı yazılıb. Yazıda deyilir ki, hazırda ABŞ və İran bir neçə cəbhədə müharibə aparır. Qəzzədə İran rejiminin dəstəyi ilə terror törədən HƏMAS qrupu bölgəni işğal altına alıb. ABŞ və İran hərbi gəmiləri isə Fars körfəzində üz-üzə dayanıb. ABŞ İranın 5 məmurunu İraq torpaqlarında tutub və İran buna cavab olaraq keçmiş İran vətəndaşı olan bir neçə tədqiqatçını girov saxlayır. Məqalədə vurğulanır ki, ABŞ hərbi mütəxəssisi Cozef Sirin Siyunenin dediklərinə əsasən, yaxın günlərdə müharibənin başlaması labüddür.

2007-07-09T22:49:00.000-07:00

Tələbə hərəkatından son xəbərlər

“Əmir kəbir” agentliyinin verdiyi xəbərə görə, Politexnik Universitetinin 7 tələbəsi müxtəlif müddətə təhsildən məhrum edilib. Bijən Puryusefi, İsmail Səlmanpur və Səccad Veys Muradi 2 semestr, Abbas Həkimzadə isə 3 semestr təhsilsiz qalacaq. Mənbənin məlumatına əsasən, Əli Rəhayi Universitetin rektoru olandan 100-dən artıq tələbə inzibati komitəyə çağırılıb və müxtəlif müddətə təhsildən məhrum edilib. Hazırda daha 25 tələbə bu komitəyə çağırılıb.
Tehranın Xacə Nəsir xiyabanında yerləşən tələbə təşkilatı “Təhkime-Vəhdət”in ofisinə hücum edən polislər tələbələri tutaraq naməlum yerə aparıblar. Həbs olunanlardan Məhəmməd Hüseyn Bəhram Fəyyazi, Müctəba Bəyat, Murtaza İsahçı, Həbib Hacheydəri, Məsud Həbibi, Səid Hüseynniya, Əbdullah Mömini və İzzət Qələndərinin adları bəlli olsa da, başqa tələbələrin kimliyindən xəbər yoxdur. Bundan əlavə, təşkilatın 6 qurucusu da həbsə alınıb. Təbriz Universitetində daha 14 tələbənin müxtəlif müddətə təhsildən məhrum olunmalarına “İslami Əncümən” tələbə təşkilatının sədri Hamid Mühəqqiq sərt bəyanatla etiraz bildirib. H.Mühəqqiqi Universitetin mühafizə xidmətinin tələbələrə qarşı repressiyalarını qınayıb, onlara verilən cəzanın ədalətsiz olduğunu vurğulayıb.

İranda qanlı qırğın davam edir

2007-07-09T22:46:00.000-07:00

Dünən toqquşmalarda 18 nəfər həlak olub, 2 nəfər edam olunub, bir nəfər daşqalaq edilib, itkin düşənlərdənsə xəbər yoxdur

İranda edamların sayı günü-gündən artmaqdadır. “Fars” agentliyinin verdiyi xəbərə görə, ötən gün İsfahan şəhər Məhkəməsinin 16-ci şöbəsində 23 yaşlı siyasi fəal Əkbər Əkbəri milli təhlükəsizliyi pozmaq ittihami ilə dara çəkilib.
Eyni ittihamla Zahidan şəhərinin inqilab məhkəməsində edama məhkum olunan Məhəmməd Gül.Q mərkəzi həbsxanada dara çəkilib.
“Əsre-İran” agentliyinin verdiyi xəbərə əsasən, əhali etiraz etsə də, Qəzvin əyalətinin Takistan bölgəsində Cəfər Kiyani adlı şəxs gizlicə daşqalaq edilib. Bu cəzaya məhkum olunan qadın Mükərrəmə İbrahimidən isə hələ xəbər yoxdur. M.İbrahiminin vəkili Səid İqbali də onun harada saxlanmasından xəbərsizdir. Ancaq “Edvardnyus” agentliyi hər iki şəxsin cəzasının icra olunduğunu xəbər verir.
Babək qalasına yürüşlərə qadağa qoyulmasına rəğmən, bir neçə millətçi fəal dağlardan gizlicə qalaya gedib. Onlar qayıdan zaman ”Ettelaat” tərəfindən tutularaq naməlum yerə aparılıblar. Həbs olunanlar barədə heç bir xəbər yoxdur.
Dünən səhər saat 9-30-da Bukan şəhərinin İsgəndəri meydanında əhali ilə polis arasında toqquşma olub. “İranpressnyus” agentliyinin verdiyi xəbərə görə, əhali polis maşınlarına hücum edib, onları daşlayıb. Polis qüvvələri isə əhalini qorxutmaq üçün havaya atəş açıb. Polis “Ettelaat” və intizami qüvvələrin dəstəyi ilə şəhəri öz nəzarətində saxlayıb.

Zahidan şəhərində polisin atəş açması nəticəsində 18 nəfər həlak olub. İyulun 7-də sərhədə parça daşıyan maşın polisin atəşinə tuş gəlib. Yaralanan sürücü nəzarəti itirib və idarə etdiyi maşın iki yanacaqdaşıyan maşınla toqquşub. Partlayış nəticəsində 18 nəfər həlak olub. Xatırladaq ki, “Mirgavə” adlanan bu caddədə keçən həftə bir nəfər də polis tərəfindən öldürülüb.
Kermanşah şəhərinin “Dizelabad” həbsxanasında saxlanılan 20 məhbus aclıq aksiyası keçirir. Bu məhbuslar bir ildən artıqdır tutulublar, ancaq onları məhkəməsiz həbsxanada saxlayırlar.
Bukan şəhərində tutulan siyasi fəal Məhəmməd Salih Kuyxaşir 4 ay təcridxanada saxlanılandan sonra, Məhabad şəhərinin inqilab məhkəməsində kürd partiyaları ilə əməkdaşlıqda ittiham olunaraq 8 il həbs cəzasına məhkum edilib.

Qadın hüquq müdafiəçilərinə gözlənilməz cəzalar

2007-07-03T21:50:00.001-07:00

Qadın hüquq müdafiəçilərinə gözlənilməz cəzalar

Qadın hüquq müdafiəçisi Delaram Əli iyulun 2-də İnqilab məhkəməsinin 15-ci şöbəsinə çağırılıb. Hakim Sələvati D.Əlini 2006-ci il iyunun 22-də Tehranın “Həfte-tir” bulvarında keçirilən aksiyada iştirak etdiyinə görə, 34 ay qəti həbs və 10 zərbə şallağa cəzalandırdı. Hakim Sələvati qanunun 500, 610 və 618 maddələrinə əsasən, D.Əlinini “rejim əleyhinə mənfi təbliğat” ittihamı ilə 6 ay, “aksiya da iştirak etmək” ittihami ilə 2 il və “milli təhlükəsizliyi pozmaq” ittihami ilə 4 ay və 10 zərbə şallağa məhküm etdi. bundan əlavə, qadın hüquq müdafiəçilərindən bir çoxları da cəzlandırılıb.
1- Fəriba Davudi Muhacir, 3 il şərti həbs və bir il qəti həbs
2- Nuşin Əhmədi Xurasani, 30 ay şərti həbs və 6 ay qəti həbs
3- Pərvin Ərdəlan , 30 ay şərti həbs və 6 ay qəti həbs
4- Şəhla Ənsari, 30 ay şərti həbs və 6 ay qəti həbs
5- Susən Təhmasubi, 18 ay şərti həbs və 6 ay qəti həbs
6- Azadə Forqani, 2 il şərti həbs
7- Bəharə Hidayət, 2 il şərti həbs
8- Məryəm Ziya, Nəsin Sultanbeygi və Aliyə Əqdəmdustun hökmləri isə indiyədək elan olunmayıb.

İran terrorçuluğu ilə bağlı son xəbərlər

2007-07-03T21:45:00.000-07:00

"Lal-kar" terrorçu: "İrandan dəstək alırıq"

İsrail hərbçiləri dünən İordan çayının qərb sahilində Muhəmməd əbu əl Qeycunu güllələyiblər. Öldürülən fələstinli FATH-ın hərbi qanadı olan "Əl Əqsa mücahidləri dəstəsi"nin səhra komandiriydi.
Fələstin Milli Muxtariyyətinin prezidenti Mahmud Abbasın israrlı tələblərinə rəğmən, İsrail İordan çayının qərb sahilində hərbi əməliyyatlarını davam etdirir.
Bu arada Livandakı "Hizbullah" qruplaşmasının partlayışlar üzrə aparıcı mütəxəssislərindən biri sayılan Əli Musa Dəkduk İrana çalışdığını etiraf edib. CNN telekanalına ABŞ-ın kəşfiyyat orqanlarından verilən məlumatlarına görə, mart ayında İraqın cənubundakı Bəsrə şəhərində tutulan Dəkduk 4 həftə özünü lal-karlığa vurmuş, yalnız amerikalıların ona kim olduğunu deyəndən sonra "dili açılmışdı".
Dəkduk İraqdakı şiə mücahidlərinin xüsusi dəstələrindən birinin komandiri Qüvays Xəzalinin ələ keçirilməsi məqsədilə aparılan əməliyyatda tutulmuşdu. Xəzali Kərbəla şəhərində amerikalı əsgərlərə hücum edərək, bir neçə amerikalı əsir götürmək, sonra da onları ABŞ hərbçilərinin Ərbil şəhərində əsir aldıqları 5 iranlıya dəyişmək istəyirdi.
Amma Xəzalinin məqsədi baş tutmadı və onun hücumu 5 amerikalı əsgərin həlak olmasıyla nəticələndi.
ABŞ kəşfiyyatı bildirir ki, İran hazırda İraqda xüsusi təyinatlı şiə mühacidləri dəstələri hazırlayır: bu dəstələr Livandakı "Hizbullah"ın analoqlarıdır.
Kəşfiyyatçıların dediyinə görə, İran illərdən bəri maliyyələşdirdiyi "Hizbullah"dan İraqa təlimatçılar göndərərək orada "xüsusi təyinatlı dəstələr" yaradılmasını tələb edib. "Hizbullah" bu əmrdən çıxa bilməyib.
Vaşinqton indiyədək İrandan dəfələrlə tələb edib ki, İraqla sərhədinə nəzarəti gücləndirsin. İranın nüvə proqramı ilə bağlı böhranın ciddiliyini nəzərə alsaq, ABŞ-ın Tehrana qarşı son ittihamları situsiyanı daha da ağırlaşdırır.
Engiltərə də çap olan “Sun” qəzetinin verdiyi xəbəərə görə, İran rejiminin vertoliyotları İraq sərhədlərini aşaraq “ Sipah Pasdaran” hərbi qüvvələrini İraqın cənub bölgələrinə boşaldıb. Hərbi qüvvələr indiyə tək çoxlu təxribat aparıb, ingiliz əsgərlərini həlak edib. Adı çəkilən mənbə bildirib ki, biz İranla konkret müharibədəyik ancaq heç bir tərəf müharibəni rəsmən elan etmiyib. İranın bomba və raket partlayışları nəticəsində 46 əsgərimiz həlak olub. ABŞ Xarici İşlər Nazirinin müavinlərindən biri Ceymz Cefrinin dediklərinə əsasən, İraqda baş verən təxribatı iranın “ Sipah Pasdaran” xüsusilə “ Qüds” hərbi qüvvələri törədib. O, həmçinin, Əfğanistan və Fələstində olan təxribatda İranını suçlandırıb.
Londonda çap olan “Əlhəyat” dərgisində isə, İran terrorçuluğunun orta asiyada istisnasız rol oynadığını vurğulayaraq bildirib ki, İran rejimi yaralı ilan kimi tələyə düşüb, öz zəhərini hər yerə dağıfır.

Təbriz universitetinin oturaq aksiya keçirən tələbələri müxtəlif müddətə təhsildən məhrum ediliblər

2007-07-03T21:40:00.000-07:00

Təbriz universitetinin oturaq aksiya keçirən tələbələri müxtəlif müddətə təhsildən məhrum ediliblər

İranda Azərbaycan milli hərəkatının tanınmış nümayəndələrindən olan Nadir Məhd Qarabağın həbsinə etiraz olaraq dəfələrlə Təbriz Universitetində oturaq etiraz aksiyası keçirmiş tələbələrdən 10 nəfəri iki semestr, 3 nəfəri isə bir semestr müddətinə təhsildən məhrum edilib.
«Media forum» saytının məlumatına görə, azərbaycanlı tələbələr universitet daxilində asayişi pozmaqda günahlandırılıblar.
Güneydən «Media forum»a daxil olan daha bir məlumatda bildirilir ki, 2006-cı ilin may-iyun aylarında keçirilən etiraz aksiyalarına görə Sulduz şəhərində tutulmuş milli fəal Əmir Fərahaniyə öz ailəsi ilə görüşməyə icazə verilmir.
İki övlad atası olan Ə.Fərahani separatçılıqda və pantürkist qrupları yaratmaqda günahlandırılır. Onun zindanda müxtəlif işgəncələrə məruz qaldığı bildirilir.

KİTABINDA İRANI TƏNQİD ELƏMİŞ TÜRKİYƏLİ YAZAR ÖLKƏSİNDƏN GETMƏK İSTƏYİR

2007-06-27T05:12:00.001-07:00

KİTABINDA İRANI TƏNQİD ELƏMİŞ TÜRKİYƏLİ YAZAR ÖLKƏSİNDƏN GETMƏK İSTƏYİR
2007-06-27 - 14:47:00

İran səfərindəki müşahidələrini «Tehran mələkləri» adlı kitabında qələmə alan türkiyəli yazar Rabiyə Özdən Kazan İranın Türkiyədəki agent şəbəkəsinin qorxusundan ölkəsini tərk edərək İtaliya paytaxtı Romaya gedəcəyini bildirib.

ATV telekanalına verdiyi müsahibəsində R.Özdən Kazan bildirib ki, gələn ay İtaliyada türk və ingilis dillərində çapdan çıxacaq «Tehran mələkləri» kitabı çox qalmaqala səbəb olaraq onu ikinci Salman Rüşdiyə çevirəcək. Türkiyənin «Sabah» qəzetində də çıxan həmin müsahibədə müəllif bildirib ki, İranın Türkiyədəki agenturasından ehtiyatlandığından vətənini tərk edərək Romaya getmək qərarına gəlib: «İran ekstremistləri orada mənə hər hansı xəsarət yetirə bilməzlər».

ATV kanalına açıqlamasında xanım R.Özdən Kazan «Tehran mələkləri» kitabının İran reallıqları barədə obyektiv müşahidələr olduğunu deyib: «İran cəmiyyətinin iç üzünü görmək üçün mən içki kampaniyalarına qatılmış, siğə edilmək üçün özəl mərkəzlərdə saxlanan qadınlarla söhbətləşmişəm. Bir gecə küçədə tək olduğum üçün mənim özümə də pul müqabilində siğə təklif ediblər».

Türkiyə mediası bu kitab haqqında müxtəlif şərhlər dərc edərək müəllifin islam hökumət və cəmiyyətini tənqid atəşinə tutduğunu və İran qadınlarının islam adı və pərdəsi altında iradəsiz qullar kimi istismar edildiyini bildirib.

Qeyd edək ki, R.Özdən Kazan 1981-ci ildə Roma papası ikinci İohan Paveli öldürməyə cəhd edən ekstremist türk islamçısı Məhəmməd Əli Ağcanın sabiq nişanlısıdır.

Ədliyyə nazirinə şikayət məktubu

2007-06-27T05:10:00.001-07:00

Ədliyyə nazirinə şikayət məktubu
Dünya sülh üzərində Nobel mukafatı almış Şirin Ebadi ədliyyə nazirinə yazdığı mktubda müvəkkilləri Halə İsfəndiyari və Pərnaz Əzimanın azadlığa buraxılçasını tələb edib. “İLNA” agentliyinin verdiyi xəbərə görə, Ş.Ebadi ədliyyə naziri Haşimi Şahrudiyə yazdığı məktubda bildirib : “mənim müvəkkilim H.İsfəndiyari” 40 günə yaxındır ki, təxridxanada saxlanılır və onunla görüşməyə qadağa qoyulub. Bundan əlavə, onun istintaqçısı mənim vəkalətnaməmi almıb, müvəkkilimə imzalatdırmaqdan imtina edib”. Ş.Ebadi əlavə edib:” Mənim müvəkkilim Pərnaz Əzima “Fərda” radiosundan xəbər oxumaq ittihamı ilə tutulub. Onun istintaqından sonra 500 min dollara yaxın maliyə vəsiqə qoyulub. Amma 4 aydan sonra, hələ də onun xaricə getməyinə qoyulan qadağa götürülməyib”. Bunu da xatırladaq ki, H.İsfənçdiyari və Pərnaz Əzimi keçən aylarda amerikadan İrana musafirət etdikdə “ETTELAAT” tərfindən tutulub və hazırda həbsdə saxlanılır.

Ərdəbil həbsxanasının qabağında tutulanların durumu

2007-06-27T04:50:00.001-07:00

Ərdəbil həbsxanasının qabağında tutulanların durumu

Abbas Lisaninin həbsinə etiraz edən 20 nəfərdən çox hərəkatçıların taleindən hələdə xəbər yoxdur. Gamoh agentliyindən aldığımız xəbərə görə, onların həyatları və canları ciddi təhlükə altındadır.
Davud Məhəmmədi, Huseyin Məhəmmədi, Həsən Əsədi, Peyman Bəhrami və Nasir Bədir 5 aydan artıqdır ki, Ərdəbir həbsxanasının qabağında A.Lisaninin həbsinə etiraz edərək tutulub, qeyri qanuni olaraq saxlanılıb və onların durumundan heç bir məlumat əldə yoxdur. Onlar harda saxlanılmalları da bəlli deyil və işkəngə olmaları istisna olunmur.
Xatırladaq ki, 2007-ci il fevralın 9-da yaxalanan bu milli hərəkatçılar, Abbas bəyin qeyri qanuni hebsi ilə etiraz aksiyasinda iştirak etmişdilər və hakimlərin Abbas bəyin barəsində verdikləri hökmün qeyri-qanuni olduğunu bildirmişlər. Bu millətçilər hələdə Ettelaatin gizli təcridxanalarinda işgəncə altındadılar.
Bunuda əlavə edək ki, Gəstab Vasiqi və Mahmud Aslani başqa iki hərəkatçi həmin aksiyada yaxalanıb, 3 aya yaxın Ettelaatda işgəncə və sorğu-sualdan sonra Ərdəbil türməsinin 7-ci korpusunsa göndərilib, 105 gün həbsdən sonra vəsiqə zəmanəti ilə azadlığa buraxılıblar.
Yaxalanan millətçilərin hələdə 20-dən çoxu naməlum yerdə saxlanılır və təhlükəsizlik orqanları hələdə bu barədə heç bir məlumat vermir. Bundan əlavə, onların ailələri dəfələrlə Ettelaat tərəfindən hədələnib.

Millətçilərdən son xəbər

2007-06-27T04:47:00.000-07:00

Millətçilərdən son xəbər

Qoşaçayda 2007-ci il mayın 22-də tutulan bəzi millətçilər vəsiqə zəmanəti sərbəst buraxılıblar. “ASMEK” agentiliyinin verdiyi xəbərə görə, Behbud Qulizadə və Cəlal Kudərilu hər biri 25 min dollar vəsiqə ilə sərbəst buraxılıblar, bunlardan əlavə 5 nəfər milli hərəkatçı isə azadlığa buraxılıb.
Bunu da xatırladaq ki, jornalist, Yazıçı və Milli Hərəkatçı Səyid Mətinpur “Evin” həbsxanasında işgəncə altındadır.
S.Mətinpur fiziki və ruhi ağır işgəncələr altındadır. “Evin” türməsinin işgəncə verənləri təhqir edici davranışlarla həm Səyid bəyi həmdə Cəlil Qənilunu işgəncə verirlər. Xatırladaq ki, bu iki millətçi təhlükəsizlik orqanları tərəfindən 2007-ci ilin may aksiyalarında oğurlanıb. Bundan əlavə milli fəalların həbsi Zəncan şəhərində davam edir. Hüseyin Rəhməti milli hərəkatçılardan biri olaraq Zəncanın Ettelaat məmurlari tərəfindən iş yerində yaxalanıb. Onun harada saxlanılmasından heç bir məlumat əldə yoxdur. Hazırda 4 nəfər zəncan fəallarından həbsxanada saxlanılır.
əlavə edək ki, Əkbər Paşayı Urmu universitetinin sonuncu kursunun tələbəsi həbs olunub Ə.Paşayinin qardaşından aldığımız məlumata görə, Əkbər Məhkəmədə özünü çox ciddi və əsaslı müdafiə etdiyinə görə, hakim əsəbləşib və məhkəmədə heç bir cəza hökmü verilmədən hələlik onun həbsdə saxlanılmasına əmr edib.

Benzin limitinə etirazlar artıb

2007-06-27T04:40:00.000-07:00

Benzin limitinə etirazlar artıb

Fars agentliyindən aldığımız xəbər görə, iyunun 26-da dövlət tərəfindən benzinin satışına limit qoymaq layihəsi rəsmi şəkildə həyata keçirilib. Stansiyaların qabağında toplaşan cəmiyyət öz narazılıqlarını göstərərək, təxribata əl vurublar. Cəmiyyət benzinin olmamağına etiraz olaraq bir neçə bank və satış mərkəzlərini talayıb, “Həkimiyyə” benzin stansiyası oda çəkilib və bir çox obyektlərin şüşələrini sındırıblar. Gecə saat 2-dək “Həkimiyyə” stansiyasının çevrəsində olan mağazalar və satış mərkəzləri talan olub və İntizami qüvvəsi heç cürə millətin qabağını ala bilməyib. Bundan əlavə, Tehranın “baftabad” qəsəbəsinin yoxsul əhalisi bu qəsəbədə olan satış mərkəzlərinin bir çoxunu talayandan sonra oda çəkiblər. “ Şəhrvənd” satış mərkəzinin məsulu “Mehr” agentliyinə verdiyi musahibədə bildirib ki, yanqınlardan aldığımız xəsarət oğurluqlardan qat-qat azdır. Hazırda 19 benzin stansiyasına millət tərəfindən hücum olunub. “Həkimiyyə” büsbütün talanıb. Bundan əlavə, Tehranın bir neçə nöqtəsində millət etiraz aksiyaları keçirib. Benzinin satışına limit qoymaq layihəsinə eturaz olaraq Yasuc şəhərinin əhalisi İntizami qüvvələrinə hücum edib. “İLNA” agentliyi verdiyi məlumata görə, Yasucun əhalisi Saat bulvarından Şəhər İcra Hakimiyyətinin qabağınadək yuruyuş edərək, “REFAH” və “Millət” Banmkın oda çəkib, bir çox maşənlara xəsarət yetiriblər. İntizami qüvvəsinin müdaxiləsinə tuş gələn cəmiyyət daş atmaqla bir çox polisi yaralayıblar. Bu aksiya hələ də davam edir.

Molla rejimi güneylilərə amansız işgəncələr verir

2007-06-23T05:36:00.000-07:00

İran həbsxanalarında saxlanılan milli fəallara işgəncələr verilir və onlar əsassız olaraq fiziki zorakılıqlara məruz qalırlar. Bu xəbər Turana İrandakı mənbələrdən daxil olub.
Mənbə İran xüsusi xidmət orqanlarının Urmiya həbsxanasında reyd keçirdiklərini və bu zaman burada saxlanılan siyasi məhbusların döyüldüyünü, onlara gətirilən ərzaq və geymin müsadirə olunduğunu bildirir. Mənbənin bildirdiyinə görə, hətta məhbuslardan biri bu qanunsuzluğa etiraz etdiyi üçün ağır işgənjələrə məruz qalıb.
Mənbə Urmiya həbsxanasının rəisi Fəthin, siyasi məhbuslar saxlanılan korpusun rəisi Əkbər Əfşarın, dustaqxanada nəzarəti həyata keçirən xüsusi xidmət orqanları nümayəndələrinin siyasi məhbuslara işgəncə verməkdə "ad çıxardıqlarını" da diqqətə çatdırır.

ABŞ səmalarında süzən azərbaycanlı qız

2007-06-23T05:35:00.000-07:00

Güneyli pilot üçrəngli bayrağımızı mavi göylərdə dalğalandırmaq istəyir

Səhər Sələhşur: “Ən böyük arzum Güney Azərbaycanın istiqlaliyyətinə qovuşması və Bütöv Azərbaycanın qurulmasıdır”

Güney Azərbaycan Analitik İnformasiya Mərkəzindən (GAAİM) verilən məlumata görə, bunu Təbriz şəhərində doğulub boya-başa çatmış və hazırda ABŞ-da mühacirət həyatı yaşayan sərnişin təyyarəsinin pilotu, 25 yaşlı soydaşımız Səhər Rza qızı Sələhşur bildirib.
Onun sözlərinə görə, ailəsi 12 il bundan əvvəl İran rejiminin zülmündən qaçaraq Amerikaya gedib: “Məndən başqa üç kiçik bacım var. ABŞ-a gəldikdən sonra “Dörd bacılar” adıyla tanınan Azərbaycan musiqisini təbliğ edərək bir neçə konsert verdik. Hazırda uğurlarımın hamısını öz ana torpağıma, ata və anama borcluyam”.
Səhər Sələhşur deyib ki, ABŞ-da nə qədər qəm-qüssədən uzaq, şad yaşasa da, ancaq hər an vətəninin bir parçasının farsların əsarəti altında olduğunu unuda bilmir: “Mən həmişə özümü bir türk qızı kimi düzgün və vüqarlı aparmağa çalışmışam. Özümü canımdan əziz, doğma torpağıma borclu sayıram”.
Güneyli xanım vətəni üçün çox darıxdığını da vurğulayıb: “Mən hər zaman vətəndən danışanda Təbrizin Aynalı dağının üstündəki buludları görürəm. Bir an özüm bilmədən gözlərim yaşarır. Arzu edirəm ki, azad vətənimizə ağ qanadlı təyyarəmlə birinci ayaq basan özüm olaydım.
Bundan böyük arzum yoxdur. Həmin gün üçün hamımız əl-ələ verib çalışmalıyıq. Mənim böyük vətənim vardır. Dərbənddən tutmuş Əraka qədər mənim vətənimdir. Həmin vətənin adı Azərbaycandır.
Təbriz üçün nə qədər ürəyim sıxılsa da, Ərdəbil, Urmiya, Həmədan, Astaranı da könlüm istəyir. Bakını da, Naxçıvanı da görmək istəyirəm. Axı mən nə edim? Bunlar hamısı mənim vətənimdir. Hər halda vətənim azad olsaydı, mən orada təhsil alıb, onun irəliləyişi üçün çalışardım. Ancaq təəssüflər olsun ki, azad vətənim bu gün əsarətdədir”.
Səhər Sələhşur qeyd edib ki, hələ uşaqlıqdan vətəninin farsların işğalı altında olduğunu anlayıb: “Bu səbəbdən atamın və anamın istəyilə əlimə qarmon aldım, mehriban müəllimim və ustadım, çox hörmətli Yusif bəy Əbdüləzimzadə ilə bərabər el nəğmələrini öyrənməyə başladım. İndi isə bu yoldan bir an geri çəkilmək niyyətində deyiləm. Təbii ki, çiynimizdə böyük məsuliyyət var”.
Onun bildirdiyinə əsasən, bir neçə aydan sonra Vaşinqton şəhərində Amerika Azərbaycanlılarının ikinci qurultayı keçiriləcək: “Tədbirdə Güney Azərbaycandan da soydaşlarımızın iştirak etməsi yaxşı olardı. Ancaq bu gün olmasalar da, bizlər onların tərəfindən varıq. İnşallah, qurtuluşumuzun ilk qaranquşu kimi azad olmuş vətənimizin üçrəngli bayrağını mavi göylərdə dalğalandıranlardan olacağam”.

İran prezidenti Azərbaycana sataşdı

2007-06-23T05:33:00.000-07:00

Mahmud Əhmədinejad: “Xəzəryanı ölkələr xarici güclərin müdaxiləsinə yol verməyərək problemləri öz aralarında həll etməlidir”

“Xəzərin hüquqi statusu probleminə uzunmüddətli baxış və hövzənin təbii ehtiyatlarının dəyərləndirilməsi vacibdir”. APA-nın məlumatına görə, bu fikirləri Xəzəryanı ölkələrin xarici işlər nazirlərini qəbul edən İran prezidenti Mahmud Əhmədinejad söyləyib.
O, Xəzər dənizinin bütün sahilyanı ölkələrin tələbatını təmin edə biləcək səviyyədə önəmli ehtiyatlara malik olduğunu deyib: “Xəzəryanı ölkələr ortaq mədəniyyət, maraq və düşmənlərə sahibdir. Bu baxımdan bölgənin problemlərini qısa bir zamanda həll etmək, bölgənin ehtiyatlarını xalqların marağı və rifahı naminə istifadə etmək lazımdır. Bəzi dünya gücləri öz maraqları naminə Xəzərin hüquqi statusu problemindən region dövlətlərini bir-birinə qarşı qoymaq məqsədilə istifadə edir. Hesab edirəm ki, region ölkələri qarşılıqlı anlayış içərisində xarici güclərin müdaxiləsinə yol verməyərək problemləri öz aralarında həll etməlidir. Bəzi ölkələri bölgənin yalnız neft və digər enerji qaynaqları maraqlandırır. Amma bölgə dövlətlərini daha çox təhlükəsizlik və ekoloji problemlər maraqlandırmalıdır. Biz bu problemləri birgə həll etməyə qadirik”.

BMT İrana qarşı yeni addımlar atmağa hazırlaşır

2007-06-23T05:32:00.001-07:00

73 ölkə BMT Təhlükəsizlik Şurasının 2006-cı ilin dekabrında İrana qarşı qəbul etdiyi qətnamənin yerinə yetirilməsi üçün atdığı addımlar barədə təşkilata məlumat verib. APA-nın xəbərinə görə, BMT-nin İrana qarşı sanksiyalar komitəsinin sədri, Belçikanın BMT-dəki daimi nümayəndəsi Yohan Verbeke 73 ölkədən 38-nin bununla bağlı qanunverici və hüquqi aktlar qəbul etdiyini açıqlayıb. O xatırladıb ki, qətnamə ilə İrana müəyyən məhsulların və avadanlıqların satışına qadağa qoyulub, nüvə fəaliyyəti ilə məşğul olan fiziki və hüquqi şəxslərin hesabları dondurulub, bu şəxslərin başqa ölkələrə girişinin yasaqlanması üçün BMT üzvlərinə çağırış edilib. Bu ilin martında Təhlükəsizlik Şurası yeni qətnamə ilə bu sanksiyaları daha da sərtləşdirib. Sənəddə bildirilir ki, İran TŞ-nin tələblərini yerinə yetirməsə, 60 gündən sonra bu məsələyə yenidən baxılacaq.