SALMAN RÜŞDİNİN BAŞINA QOYULAN PUL MÜKAFATININ MƏBLƏĞİ ARTIRILDI

İranda Beynəlxalq İslam Hərəkatı Şəhidlərinin Xatirəsini Qoruyan Qərargah adlı qurum «Şeytan ayələri» kitabının müəllifi Salman Rüşdini qətlə yetirən hər hansı bir şəxsə veriləcək mükafatın məbləğini artırıb.

İran İslam Respublikasının banisi Ayətullah Xomeyninin fitvası ilə S.Rüşdinin başına 100 min dollar qoylmuşdu. Beynəlxalq İslam Hərəkatı Şəhidlərinin Xatirəsini Qoruyan Qərargah bu məbləğə 50 min dollar əlavə edərək pul mükafatını 150 min dollara qaldırıb.

«Media forum» saytının məlumatına görə, sözügedən qərargahın belə bir qərar qəbul etməsinə Britaniya kraliçası tərəfindən S.Rüşdiyə «Şvalye» («Cəngavər») ordeninin verilməsi səbəb olub. Beynəlxalq İslam Hərəkatı Şəhidlərinin Xatirəsini Qoruyan Qərargahın rəhbəri Fəruz Rəcai Fər kraliçanın islama qarşı düşmənçilik mövqeyindən çıxış etdiyini bildirib: «İmam Xomeyninin Salman Rüşdinin qətli ilə bağlı verdiyi fitvadan sonra çox müsəlman imamın bu tarixi hökmünü yerinə yetirməyə çalışıb. Elə buna görə də artıq 19 ildir Salman Rüşdi kabus içində yaşayır».

F.Rəcai Fər daha sonra deyib: «İngilislər və Salman Rüşdini himayə edən, islama qarşı düşmən mövqeyində olanlar bilməlidirlər ki, həmin kabus bu mürtəd yazıçını ömrünün son gününə qədər izləyəcək. Biz imam Xomeyninin hökmünü yerinə yetirən və bu mürtəd yazıçını qətlə yetirən hər kəsin əllərindən öpəcək və kiçik bir hədiyyə olan 150 min dolları məmnuniyyətlə ona təqdim edəcəyik».

Xatırladaq ki, iyunun 16-da Böyük Britaniya kraliçası Yelizavetanın doğum günü münasibətilə S.Rüşdi «Şvalye» ordeni ilə təltif edilib. İranın Xarici İşlər Nazirliyinin sözçüsü Məhəmməd Əli Hüseyni bunu tənqid edib və islam dininə qarşı təxribat kimi qiymətləndirib.

ETTELAAT ƏMƏKDAŞLARI URMİYA ZİNDANINDA REYD KEÇİRİBLƏR. SİYASİ MƏHBUSLARA İŞGƏNCƏ VERİLİB

Urmiya zindanında saxlanan siyasi məhbusların ETTELAAT əməkdaşlarının hücumuna məruz qalaraq döyülüb təhqir edilməsi barədə müxtəlif xəbərlər yayılır.

«Media forum» saytının məlumatına görə, İranda Demokratiya və Hüquq Müdafiəçiləri Fəalları adlı qurum məsələ ilə bağlı beynəlxalq təşkilatlara müraciət edib. Müraciətdə deyilir ki, iyunun 6-da ETTELAAT əməkdaşları həbsxananın Fəthi soyadlı rəisinin və Qərbi Azərbaycan əyalətindəki bütün həbsxanaların baş direktoru Cabbar Baqirinin birbaşa iştirakı ilə Urmiya zindanında reyd keçiriblər. Bu zaman onlar siyasi məhbuslara məxsus korpusda saxlanan şəxslərə hücum çəkiblər və onları müxtəlif alətlərlə vəhşicəsinə döyüb təhqir ediblər. ETTELAAT əməkdaşları həmçinin məhbus ailələrinin göndərdiyi geyimləri və ərzağı müsadirə ediblər. Onların hərəkətinə etiraz edən məhbus Səid Əmirini isə döyə-döyə kameradan çıxararaq «Karantin» adı ilə məşhur olan işgəncə otağına aparıblar.

İranda Demokratiya və Hüquq Müdafiəçiləri Fəallarının müraciətində «Karantin»də məhbuslara nə cür işgəncə verilməsindən də bəhs edilir. Bildirilir ki, bu işgəncə otağında məhbusun əl-ayağını bağladıqdan sonra onu bayılana qədər təpik və yumruqla döyür, sonra isə onu yarıcan vəziyyətdə, ac- susuz halda iki həftə ayrıca təcridxanaya aparırlar.

Müraciətdə məhbuslara işgəncə verən bir sıra həbsxana rəsmilərinin adları da göstərilir: Fəthi (Urmiya zindanının rəisi), Əkbər Əfşar (siyasi məhbuslar korpusunun rəisi), Firidun Kərdur (ETTELAAT-ın zindandakı nümayəndəsi), Peyman Xanzadə, Söhrabi və Bəhreyni (ETTELAAT-ın zindandakı əməkdaşları).

İranda Demokratiya və Hüquq Müdafiəçiləri Fəalları beynəlxalq təşkilatları siyasi məhbuslara qarşı təzyiq və işgəncələrin dayandırılması üçün İran hökumətinə təzyiq göstərməyə çağırır.

Müraciət BMT İnsan Hüquqları Şurasına, Beynəlxalq Əfv Təşkilatına, İşgəncəyə Qarşı Beynəlxalq Komitəyə, Avropa Birliyinin insan hüquqları bölməsinə və «Hyuman Rayts» təşkilatına ünvanlanıb.

AMERİKALILAR İRAQDA DAHA ÜÇ İRAN DİPLOMATINI HƏBS EDİBLƏR

İyunun 17-də İraqın xarici işlər naziri jurnalistlərə açıqlamasında ABŞ qüvvələrinin üç İran diplomatını tutduğunu təsdiqləyib. «Assoşieyted Press» İraq nazirinə istinadən yaydığı məlumatda diplomatların iyunun 13-də tutulduğunu bildirir.

Beləliklə, hazırda İraqdakı ABŞ qüvvələrinin həbsində saxlanan İran diplomatlarının sayı səkkizə çatır. Xatırladaq ki, bir neçə ay əvvəl ABŞ qüvvələrinin Ərbildə yerləşən İran qərargahına qarşı hücumda diplomat olduğu iddia edilən 5 İran rəsmisi tutulmuşdu. İran tutulanların diplomat olduğunu bildirsə də, Amerika onların İran İnqilab Keşikçilər Korpusunun Qüds qanadının üzvü olduğunu deyir.

Tutulan 3 İran diplomatının hazırda harda saxlandığı barədə hər hansı bir məlumat yayılmayıb.

SENAT KOMİTƏSİ SƏDRİNİN FİKRİNCƏ, İRAN ABŞ-a QARŞI MÜHARİBƏYƏ BAŞLAYIB

İyunun 17-də ABŞ Senatı Xarici Əlaqələr Komitəsinin Demokratlar Partiyasından olan sədri Jozef Bayden Ey-Bi-Si televiziya şəbəkəsinə müsahibəsində İranın Livan «Hizbullah»ına və «Həmas» hərəkatına aşkar yardım göstərdiyini vurğulayaraq bildirib ki, bu ölkə Amerikaya qarşı müharibəyə başlayıb.

J.Bayden deyib ki, İran keçmiş Sovet İttifaqının soyuq müharibə dövründə Afrika və Latın Amerikasında ABŞ və müttəfiqlərinə qarşı apardığı siyasəti yeridir. Senator beynəlxalq arenadan təcrid olunmamaq üçün ABŞ-ın digər ölkələrlə əməkdaşlığını məsləhət görür: «Biz İran qarşısında elə hərəkət etməliyik ki, bir gün ona qarşı hərbi müdaxiləyə üstünlük versək, tək qalmayaq. Biz avropalıları özümüzə tərəf çəkməli, hazırkı mərhələdə hərbi müdaxilədən çəkinməli və İrana qarşı sanksiyaları gücləndirməliyik».

J.Bayden demokrat senator Jozef Libermanın İranın nüvə təsisatını bombalamaq tələbinə etiraz edib: «Amerika 27 milyonluq İraqda problemlərin öhdəsindən gələ bilmir. 72 milyonluq bir ölkəyə hücum nəinki problemi aradan qaldıra bilməyəcək, əksinə, Orta Şərqdə qarşıdurmalara gətirəcək».

Senatorun fikrincə, Amerika İrana hərbi hücuma keçib onu İraqla yaxınlaşdırmaqdansa İran əhalisinin hökumətdən narazılığına fikir verməli və bu yolda müəyyən tədbirlər həyata keçirməlidir.

SALMAN RÜŞDİNİN BAŞINA QOYULAN PUL MÜKAFATININ MƏBLƏĞİ ARTIRILDI

İranda Beynəlxalq İslam Hərəkatı Şəhidlərinin Xatirəsini Qoruyan Qərargah adlı qurum «Şeytan ayələri» kitabının müəllifi Salman Rüşdini qətlə yetirən hər hansı bir şəxsə veriləcək mükafatın məbləğini artırıb.

İran İslam Respublikasının banisi Ayətullah Xomeyninin fitvası ilə S.Rüşdinin başına 100 min dollar qoylmuşdu. Beynəlxalq İslam Hərəkatı Şəhidlərinin Xatirəsini Qoruyan Qərargah bu məbləğə 50 min dollar əlavə edərək pul mükafatını 150 min dollara qaldırıb.

«Media forum» saytının məlumatına görə, sözügedən qərargahın belə bir qərar qəbul etməsinə Britaniya kraliçası tərəfindən S.Rüşdiyə «Şvalye» («Cəngavər») ordeninin verilməsi səbəb olub. Beynəlxalq İslam Hərəkatı Şəhidlərinin Xatirəsini Qoruyan Qərargahın rəhbəri Fəruz Rəcai Fər kraliçanın islama qarşı düşmənçilik mövqeyindən çıxış etdiyini bildirib: «İmam Xomeyninin Salman Rüşdinin qətli ilə bağlı verdiyi fitvadan sonra çox müsəlman imamın bu tarixi hökmünü yerinə yetirməyə çalışıb. Elə buna görə də artıq 19 ildir Salman Rüşdi kabus içində yaşayır».

F.Rəcai Fər daha sonra deyib: «İngilislər və Salman Rüşdini himayə edən, islama qarşı düşmən mövqeyində olanlar bilməlidirlər ki, həmin kabus bu mürtəd yazıçını ömrünün son gününə qədər izləyəcək. Biz imam Xomeyninin hökmünü yerinə yetirən və bu mürtəd yazıçını qətlə yetirən hər kəsin əllərindən öpəcək və kiçik bir hədiyyə olan 150 min dolları məmnuniyyətlə ona təqdim edəcəyik».

Xatırladaq ki, iyunun 16-da Böyük Britaniya kraliçası Yelizavetanın doğum günü münasibətilə S.Rüşdi «Şvalye» ordeni ilə təltif edilib. İranın Xarici İşlər Nazirliyinin sözçüsü Məhəmməd Əli Hüseyni bunu tənqid edib və islam dininə qarşı təxribat kimi qiymətləndirib.

AMERİKALILAR İRAQDA DAHA ÜÇ İRAN DİPLOMATINI HƏBS EDİBLƏRİyunun 17-də İraqın xarici işlər naziri jurnalistlərə açıqlamasında ABŞ qüvvələrinin üç İran diplomatını tutduğunu təsdiqləyib. «Assoşieyted Press» İraq nazirinə istinadən yaydığı məlumatda diplomatların iyunun 13-də tutulduğunu bildirir.

Beləliklə, hazırda İraqdakı ABŞ qüvvələrinin həbsində saxlanan İran diplomatlarının sayı səkkizə çatır. Xatırladaq ki, bir neçə ay əvvəl ABŞ qüvvələrinin Ərbildə yerləşən İran qərargahına qarşı hücumda diplomat olduğu iddia edilən 5 İran rəsmisi tutulmuşdu. İran tutulanların diplomat olduğunu bildirsə də, Amerika onların İran İnqilab Keşikçilər Korpusunun Qüds qanadının üzvü olduğunu deyir.

Tutulan 3 İran diplomatının hazırda harda saxlandığı barədə hər hansı bir məlumat yayılmayıb.

ETTELAAT ƏMƏKDAŞLARI URMİYA ZİNDANINDA REYD KEÇİRİBLƏR. SİYASİ MƏHBUSLARA İŞGƏNCƏ VERİLİB

Urmiya zindanında saxlanan siyasi məhbusların ETTELAAT əməkdaşlarının hücumuna məruz qalaraq döyülüb təhqir edilməsi barədə müxtəlif xəbərlər yayılır.

«Media forum» saytının məlumatına görə, İranda Demokratiya və Hüquq Müdafiəçiləri Fəalları adlı qurum məsələ ilə bağlı beynəlxalq təşkilatlara müraciət edib. Müraciətdə deyilir ki, iyunun 6-da ETTELAAT əməkdaşları həbsxananın Fəthi soyadlı rəisinin və Qərbi Azərbaycan əyalətindəki bütün həbsxanaların baş direktoru Cabbar Baqirinin birbaşa iştirakı ilə Urmiya zindanında reyd keçiriblər. Bu zaman onlar siyasi məhbuslara məxsus korpusda saxlanan şəxslərə hücum çəkiblər və onları müxtəlif alətlərlə vəhşicəsinə döyüb təhqir ediblər. ETTELAAT əməkdaşları həmçinin məhbus ailələrinin göndərdiyi geyimləri və ərzağı müsadirə ediblər. Onların hərəkətinə etiraz edən məhbus Səid Əmirini isə döyə-döyə kameradan çıxararaq «Karantin» adı ilə məşhur olan işgəncə otağına aparıblar.

İranda Demokratiya və Hüquq Müdafiəçiləri Fəallarının müraciətində «Karantin»də məhbuslara nə cür işgəncə verilməsindən də bəhs edilir. Bildirilir ki, bu işgəncə otağında məhbusun əl-ayağını bağladıqdan sonra onu bayılana qədər təpik və yumruqla döyür, sonra isə onu yarıcan vəziyyətdə, ac- susuz halda iki həftə ayrıca təcridxanaya aparırlar.

Müraciətdə məhbuslara işgəncə verən bir sıra həbsxana rəsmilərinin adları da göstərilir: Fəthi (Urmiya zindanının rəisi), Əkbər Əfşar (siyasi məhbuslar korpusunun rəisi), Firidun Kərdur (ETTELAAT-ın zindandakı nümayəndəsi), Peyman Xanzadə, Söhrabi və Bəhreyni (ETTELAAT-ın zindandakı əməkdaşları).

İranda Demokratiya və Hüquq Müdafiəçiləri Fəalları beynəlxalq təşkilatları siyasi məhbuslara qarşı təzyiq və işgəncələrin dayandırılması üçün İran hökumətinə təzyiq göstərməyə çağırır.

Müraciət BMT İnsan Hüquqları Şurasına, Beynəlxalq Əfv Təşkilatına, İşgəncəyə Qarşı Beynəlxalq Komitəyə, Avropa Birliyinin insan hüquqları bölməsinə və «Hyuman Rayts» təşkilatına ünvanlanıb.