Həbsdəki qoşaçaylı fəallar 8 gün əvvəl başladiqlari acliq aksiyasini davam etdirirlər
2006-cı ilin 22 may etiraz aksiyalarının ildönümündə həbs edilmiş qoşaçaylı milli fəallar aclıq aksiyasını davam etdirirlər. Aksiya milli fəallar həbs ediləndən 25 gün sonra başlayıb və 8 gündür davam edir.
«Media forum» saytının məlumatına görə, qoşaçaylı məhbusların ailə üzvləri Qoşaçay prokurorluğu qarşısında oturaq aksiyaya başlayacaqlarını bəyan edəndən sonra, nəhayət, prokurorluq özünün sərt mövqeyindən geri çəkilib və Behbud Quluzadə və Şahin Həsəninin Urmiya zindanında öz ailələri ilə görüşməsinə icazə verib. Tanınmış milli fəal Calal Kürdərilunun isə ailə üzvləri ilə görüşməsinə Qoşaçay prokurorluğu razılaşmayıb.
