İran Güneyi itirməkdən qorxur
İranda baş verən son hadisələrdən sonra Güneydə yaşayan soydaşlarımız müxtəlif təzyiqlərə məruz qalırlar. Bu sırada qadınların sayı da çoxluq təşkil edir ki, İranın güc strukturları tərəfindən müxtəlif təhqirlərə məruz qalırlar. Bununla bağlı münasibətini açıqlayan Vətəndaş Həmrəyliyi Partiyası sədrinin beynəlxalq və ictimai-siyasi əlaqələr üzrə müşaviri Arif İsmayılbəylinin sözlərinə görə, İran islam dövləti olmasına baxmayaraq, bu məmləkətdə həmişə qadınların hüquqları tapdalanır: "Mən hesab edirəm ki, Güneydə yaşayan türk qadınlarına qarşı edilən təhqiramiz hərəkətlərin arxasında türk kişilərini hərəkatlara qatılmaqdan çəkindirmək məqsədi durur. Soydaşlarımıza qarşı edilənlərlə bağlı təbrizli deputat Əkbər Ələmi parlamentə etirazını bildirsə də İran hakimiyyəti heç bir reaksiya bildirmədi. Belə demək olar ki, bu, İran siyasətinin tərkib hissəsidir. İran azadlığını, hüququnu tələb edən bir xalqın kişilərini susdurmağın yolunu bu şəkildə, qadınlarını təhqir etməkdə görür". İran nə zamansa Güneyi itirməkdən qorxur. Ona görə, də orada baş verə biləcək hər hansı bir hərəkatın qarşısını amansızlıqla almağa çalışır
